İsrail Hərbi Hava Qüvvələrinin (HHQ) komandanı Tomer Bar ötən gecə Tehranda zenit-raket komplekslərinin (ZRK) infrastrukturu da daxil olmaqla onlarla hədəfi vurduqlarını açıqlayıb.
Manset.az Report.az-a istinadən xəbər verir ki, Barın açıqlamaları İsrail ordusunun mətbuat xidməti tərəfindən yayılıb.
Onun sözlərinə görə, məqsəd İranın hava hücumundan müdafiə imkanlarını zəiflətmək olub.
“İranda hava üstünlüyü və hərəkət azadlığımızı yaxşılaşdıran operativ və milli əhəmiyyətli bir sıra dəqiq zərbələr həyata keçirdik. Müharibə başlayandan bəri ilk dəfə İsrail ərazisindən 1500 km-dən uzaq məsafədə HHQ Tehran ərazisindəki müdafiə sistemlərinə zərbələr endirib”, - o deyib.
