Çin Xarici İşlər Nazirliyi Yaxın Şərqdə İran və İsrail arasındakı gərginliyin artmasının qarşısını almaq üçün addımlar atmağa çağırıb.
Manset.az-ın əldə etdiyi məlumata görə, nazirliyin sözçüsü Quo Jiakun bu gün keçirdiyi mətbuat konfransında bildirib ki, Çin regionda sülh və sabitliyin bərqərar olması üçün dialoq və danışıqların bərpasını dəstəkləyir. O, İran və İsrailin münaqişəni dialoq yolu ilə həll etməsi üçün əlverişli şəraitin yaradılmasının vacib olduğunu vurğulayıb.
Quo əlavə edib ki, Çin bölgədə vəziyyətin daha da pisləşməsinin qarşısını almaq üçün bütün tərəflərlə əlaqə və əməkdaşlığı davam etdirəcək və sülh prosesinə dəstək verməkdə israrlıdır.
