“Ermənistanda saxlanılan Rusiya vətəndaşı, biznesmen Samvel Karapetyana Rusiyadan lazım olan bütün yardımlar göstəriləcək”.
Manset.az Qafqazinfo-ya istinadən xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
Zaxarova bildirib ki, bu mövzunu daha da müzakirə etmək üçün Rusiya tərəfi nə baş verdiyini başa düşməli, ittihamlarla tanış olmalıdır.
“Rusiya vətəndaşı və Rusiya biznesmeni kimi ona təbii ki, lazımi köməklik göstəriləcək”, - Zaxarova vurğulayıb.
Qeyd edək ki, “Taşir” şirkətlərin qrupunun rəhbəri Samvel Karapetyan barəsində cinayət işi başlanılıb. O, hakimiyyətin ələ keçirilməsinə açıq çağırış etməkdə təqsirləndirilir. Ermənistanda ötən gün onun barəsində iki aylıq həbs-qətimkan tədbiri seçilib.
Xatırladaq ki, Azərbaycan 2021-ci ildə Qarabağa qaçaq yolla silah-sursat daşıyan şirkət rəhbərlərini beynəlxalq axtarışa vermişdi. Həmin şəxslər sırasında S.Karapetyan da olub.
