Yəmən İran və İsrail arasında müharibəyə qoşulmağa hazır olduğunu açıqlayıb.
Manset.az Qafqazinfo-ya istinadən xəbər verir ki, bu haqda Yəmən husiləri “X” sosial şəbəkəsində yazıb.
“Yəmən rəsmən müharibəyə girəcək. Gəmilərinizi bizim ərazi sularımızdan uzaq tutun”, - paylaşımda qeyd olunub.
Yəmən hərəkatının siyasi büro üzvü Məhəmməd əl-Buheiti “Əl-Cəzirə” telekanalına müsahibəsində hərəkatın ABŞ Hərbi Dəniz Qüvvələrinin gəmilərinə hücum etməyə hazır olduğunu təsdiqləyib. O bildirib ki, ABŞ və Yəmən üsyançıları arasında atəşkəs sazişinin müddəti başa çatıb.
“Birinci mərhələ Qırmızı dənizdə Amerika qüvvələrinə hücum olacaq”, - deyib.
O, əlavə edib ki, husilər İrana qarşı hücum dayanana qədər münaqişənin miqyasını genişləndirəcəklər.
