Pakistanda musson yağışlarının yaratdığı daşqınlar nəticəsində son 24 saatda 28 nəfərin həyatını itirdiyi, 90 nəfərin isə yaralandığı bildirilib.
Manset.az xəbər verir ki, bu barədə məlumatı Dawn qəzetinə Pəncab Fəlakət İdarəetmə İdarəsinin (PDMA) sözçüsü Faruk Əhməd verib.
Açıqlamaya görə, Pəncab əyalətində davam edən güclü yağışlar və nəticəsində yaranan daşqınlar, əsasən damların və divarların çöküşünə səbəb olub. Bu hadisələr çox sayda insanın ölümünə yol açıb.
"Çoxlu sayda insanın həyatını itirməsinə səbəb olan dam və divar çökmələri baş verdi. Bundan əlavə, güclü yağışların səbəb olduğu daşqınlar nəticəsində ciddi maddi ziyan da yaranıb", - deyə PDMA sözçüsü qeyd edib.
PDMA, çayların daşması və əlavə daşqınların olacağı ilə bağlı əhali arasında xəbərdarlıq edib. Həmçinin, musson yağışlarının Pəncab və digər regionlarda davam edəcəyi gözlənilir.
