Qazaxıstanın Almatı vilayətində ölkənin ilk atom elektrik stansiyasının tikintisinə başlanılıb. Təməlqoyma mərasimində Qazaxıstan Energetika Nazirliyi və Rosatom şirkətinin nümayəndələri iştirak ediblər.
Manset.az xəbər verir ki, layihəyə 14-15 milyard dollar investisiya ayrılacaq və əlavə 1 milyard dollar sosial infrastruktur üçün sərf ediləcək.
Qazaxıstan Nüvə Enerjisi Agentliyinin prezidenti Almasadam Satkaliyev və Rosatom-un baş direktoru Aleksey Lixaçev, layihənin Qazaxıstanın sənaye və iqtisadi inkişafı üçün mühüm əhəmiyyət kəsb edəcəyini vurğulayıblar. Mərasimə beynəlxalq nümayəndələr də qatılıb.
2024-cü ildə keçirilən referendumda xalqın 71,12%-i layihəni dəstəkləyib. 2025-ci ilin fevralında Almatı vilayətində tikintinin başlanması qərara alınıb. Qazaxıstanın prezidentinə görə, ölkədə üç atom elektrik stansiyasının tikilməsi planlaşdırılır.
