ABŞ-də 14-cü əsrdə dəhşətli epidemiyaya səbəb olan vəba xəstəliyi yenidən ortaya çıxıb. Xəstə, meşədə düşərgə qurarkən birə dişləməsi nəticəsində vəba xəstəliyinə tutulub.
Manset.az xarici mediaya istinadən xəbər verir ki, səlahiyyətlilər, xəstənin ev şəraitində müalicə aldığını və vəziyyətinin diqqətlə izlənildiyini açıqlayıb.
Mütəxəssislər, vəba xəstəliyinin Kaliforniyanın kənd və dağlıq ərazilərində təbii şəkildə baş verdiyini bildirərək, vəhşi gəmiricilərdən qorunmaq lazım olduğunu xəbərdarlıq ediblər. ABŞ-də hər il ortalama yeddi taun hadisəsi baş verir.
Vəbanın fəsadları:
Yersinia pestis bakteriyası, heyvan dişləməsi və ya birbaşa təmas yolu ilə insanlara ötürülür. Xəstəliyin semptomları, adətən, iki həftə ərzində baş verir və bunlara qızdırma, yorğunluq, ürəkbulanma və şişkin limfa düyünləri daxildir. Taun infeksiyaları müasir antibiotiklərlə müalicə edilə bilər.
Tarixdə qara ölüm:
Qara ölüm olaraq da bilinən vəba, orta əsrlərdə Avropada geniş yayılaraq 75-200 milyon insanın həyatına son qoymuşdu. 14-cü əsrdəki bu böyük epidemiyanın dünya tarixindəki ən ölümcül xəstəliklərdən biri olduğu hesab edilir.
