Londonun Notting Hill Karnavalında iki qadın arasında baş verən əlbəyaxa dava sosial şəbəkələrdə geniş yayılıb.
Manset.az xarici mediaya istinadən xəbər verir ki, İzdihamın ortasında baş verən döyüşdə qadınlar bir-birini yumruqlayıb və saçlarından dartıb.
Böyükşəhər Polisi karnavalın ilk günündə keçən ilə nisbətən 40 faiz daha çox, 140 nəfəri həbs edib. 13 nəfər yeni üz tanıma sistemi ilə saxlanıb. Həmin gün Portobello yolunda bir şəxs polisə müqavimət göstərərək altı polis tərəfindən həbs olunub.
Karnavalda, Karib mədəniyyətinin ənənələrinə uyğun olaraq iştirakçılar bədənlərini palçıq və yağla örtüb, müstəmləkəçiliyi satirik şəkildə əks etdiriblər. Tədbirin sonunda, Grenfell Tower faciəsində həyatını itirənlərin xatirəsi 72 saniyəlik sükutla yad edilib.
