Türkiyənin Balıkəsir vilayətinin Ayvalık rayonunda baş verən zəncirvari yol qəzası baş verib.
Manset.az türk mediasına istinadən xəbər verir ki, hadosə nəticəsində 1 nəfər ölüb, 3 nəfər, o cümlədən 2 azyaşlı yaralanıb.
Hadisə E-87 magistral yolunun Ayvalık Altınova məhəlləsi yaxınlığında qeydə alınıb.
İlkin məlumata görə, qırmızı işıqda dayanan minik avtomobili və avtobusa yük maşını arxadan çırpılıb. Güclü zərbə nəticəsində yük maşınının sürücüsü – 24 yaşlı A.B. ağır xəsarətlər alaraq xəstəxanada vəfat edib.
Yaralılar – iki uşaq və avtomobilin sürücüsü Ayvalık Dövlət Xəstəxanasına yerləşdirilib. Onların vəziyyəti müşahidə altındadır.
Faktla bağlı araşdırma aparılır.
