Braziliyanın Rio Grande do Sul əyalətində yaşayan 31 yaşlı bir milyarder vəsiyyətnaməsində məşhur futbolçu Neymarı öz yeganə varisi adlandırıb.
Manset.az xarici mediaya istinadən xəbər verir ki, Neymarı çox sevdiyini bildirən iş adamı, bu qərarını rəsmi olaraq sənədləşdirib.
İş adamı 2025-ci il iyunun 12-də Porto Aleqridəki 9-cu notariat ofisində vəsiyyətini qeydə alıb. Vəsiyyətin rəsmiləşdirilməsində iki şahid və bir məmur iştirak edib. Sənəddə Neymarın yeganə benefisiar olduğu qeyd olunub.
Mirasın ümumi dəyəri hələ ki, açıqlanmasa da, yerli mənbələr sənəddə daşınmaz əmlak, şirkət səhmləri və müxtəlif investisiyaların olduğunu bildirib.
Adını açıqlamaq istəməyən milyarder bildirib: "Mən Neymarı çox sevirəm və onunla özümü çox sevirəm. Onun atası ilə münasibəti mənə mərhum atamı xatırladır. Ən əsası isə o, manipulyasiya edən insan deyil. Bu günlərdə belə insanlar çox az olur."
Bundan başqa, iş adamı səhhətində problemlər olduğunu və Neymarın həyat hekayəsinin ona çox təsir etdiyini qeyd edib.
