Türkiyənin Beyoğlu ərazisində qorxulu evdə 6 dostu ilə vaxt keçirməyə çalışan Melike G. işçi Baran T. tərəfindən döyülərək elektrik cərəyanına məruz qaldığını iddia edib.
Manset.az Türkiyə mediasına istinadən xəbər verir ki, oktyabrın 19-u bazar günü gecə saatlarında 24 yaşlı Melike G. əylənmək üçün 6 dostu ilə Taksimdəki qorxu evinə gedib. Qrup üzvləri qorxu otağında heç kimin onlara toxunmamasını istədiklərini bildiriblər.
Buna baxmayaraq qorxu evinin işçisi 19 yaşlı Baran T. Melike G.-nin olduğu otağa girib, onu saçından və boynundan tutaraq yerə uzadıb.
Şübhəli şəxs saxlanıb və sözügedən məkan polis tərəfindən bağlanıb.
