Bir müddət əvvəl türkiyəli məşhur müğənni Güllü Yalovadakı evində pəncərədən düşərək həyatını itirib.
Manset.az Türkiyə mediasına istinadən xəbər verir ki, cinayət işi hələ də davam edərkən müğənninin qızı Tuğyan Ülkem Gülterin öldürdüyü iddiası meydana çıxıb. Bu iddiaya səbəb qızın istintaq prosesinə təsir edəcək paylaşımları olub.
Belə ki, Tuğyan Ülkem Gülterin yaxın rəfiqəsi ilə olan səs yazıları ortaya çıxıb. Bununla bağlı iddianı irəli sürən mərhum müğənninin çıxış etdiyi əyləncə məkanının sahibi Ferdi Aydın olub.
Ferdi Aydının bu iddiaları ilə bağlı gənc qız ilk dəfə mediaya danışıb.
Media nümayəndələri Tuğyan Ülkem Gülterdən Ferdi Aydının qeyd etdiyi mesajların ona aid olub-olmadığını soruşduqda, "İki saat əvvəl prokurora ifadə verdim. Bunlar doğru olsaydı, prokuror məni buraxardı?" - deyə cavab verib.
