İrandan Türkiyə istiqamətində atılan ballistik raket zərərsizləşdirilib.
Manset.az-ın Türkiyə mediasına istinadən əldə etdiyi məlumata görə, Türkiyə Milli Müdafiə Nazirliyi İrandan atıldığı və İraq ilə Suriya hava məkanını keçərək Türkiyəyə doğru yönəldiyi müəyyən edilən ballistik raketin Şərqi Aralıq dənizi ərazisində zərərsizləşdirildiyini açıqlayıb. Bildirilib ki, ballistik raket NATO hava və raket müdafiə elementləri tərəfindən zərərsizləşdirilib.
Nazirlikdən verilən açıqlamada hadisə nəticəsində heç bir itki və ya yaralanma olmadığı bildirilib.
