Türkiyənin Aksaray ərazisində 16 yaşlı Mustafa Yağız Edik mübahisədən sonra yaşıdı R.M. tərəfindən bıçaqlanaraq öldürülüb.
Manset.az Türkiyə mediasına istinadən xəbər verir ki, hadisə Türkiyə vaxtı ilə səhər saat 04:00 radələrində Böyük Bölcek məhəlləsindəki Şehit Mehmet Ali Demir küçəsində baş verib. Səbəbi hələ də məlum olmayan R.M. ilə Mustafa Yağız Edik arasında mübahisə tez bir zamanda davaya çevrilib. Dava zamanı R.M. Edikin sinəsindən bıçaqlayıb. Edik qan içində yerə yıxılıb, R.M. isə qaçıb. Ətrafdakıların xəbərlərindən sonra hadisə yerinə polis və tibb qrupları göndərilib. Təcili yardım maşını ilə xəstəxanaya aparılan Mustafa Yağız Edik həkimlərin bütün səylərinə baxmayaraq xilas edilə bilməyib. R.M. eyni məhəllədə tutularaq nəzarətə alınıb, hadisə yerində aparılan araşdırma zamanı isə iki bıçaq aşkar edilib. Hadisə ilə bağlı araşdırma davam edir.
