ABŞ-İsrail ilə İran arasında davam edən müharibənin kölgəsində bölgədəki gərginlik artarkən "Financial Times" qəzetinə görə, İsrail ordusu İranın dəstəklədiyi Hizbullah qarşısında Livanda uzun müddətli hərbi əməliyyatlara hazırlıq görür.
Manset.az xarici mediaya istinadən xəbər verir ki, İsrailin şimal sərhədində hərbi hazırlıqlarını gücləndirdiyi və Hizbullahın raket qabiliyyətini hədəf alan genişmiqyaslı bir əməliyyat planı üzərində çalışdığı bildirilir.
ABŞ-İsrail ilə İran arasındakı davam edən müharibə Orta Şərqdəki gərginliyi hər keçən gün daha da artırarkən döyüşlərin bütün bölgəyə yayılma ehtimalı barədə narahatlıqlar güclənir. İranın bölgədəki ən güclü müttəfiqlərindən biri olan Hizbullahın müharibəyə cəlb oluna biləcəyi müzakirə olunur. Bu fonddan İsrail cəbhəsindən diqqətçəkən bir hazırlıq xəbəri gəlib.
