İranın Xatəm əl-Ənbiya Mərkəzi Komandanlığının komandanı general-leytenant Əli Abdullahi ABŞ prezidenti Donald Trampın təhdidlərinə cavab olaraq İsrail və ABŞ-a "cəhənnəm qapılarını açacaqlarına" söz verib.
Manset.az xəbər verir ki, onun açıqlaması İRNA xəbər agentliyi tərəfindən yayılıb: "Bu müharibənin əvvəlindən biz vəd etdiyimiz hər şeyi yerinə yetirdik və indi bizim tək mesajımız budur: cəhənnəm qapıları sizin üçün açılacaq".
O, həmçinin İranın enerji infrastrukturuna edilən hər hansı bir zərbənin Tehran tərəfindən cavab tədbirlərinə, o cümlədən bölgədəki bütün ABŞ və İsrail hədəflərinə zərbələr endirilməsinə səbəb olacağını təkrarlayıb.
Abdullahinin sözlərinə görə, Trampın ultimatumu sonuncunun "çarəsizliyini və əsəbiliyini" nümayiş etdirir.
