İranın daha bir generalı ABŞ və İsrail hücumları nəticəsində öldürülüb.
Manset.az xarici mediaya istinadən xəbər verir ki, İran İnqilab Keşikçiləri Korpusunun Kəşfiyyat Təşkilatının komandanı, general-mayor Məcid Hadəmi ABŞ və İsrailin hücumu nəticəsində həlak olub.
İnqilab Keşikçiləri Korpusu Hadəminin ölümünü yazılı bəyanatla təsdiqləyib. Bəyanatda bildirilir ki, “İslam İnqilabı Keşikçiləri Korpusunun Kəşfiyyat Təşkilatının güclü və peşəkar rəhbəri bu gün sübh çağı Amerika-sionist düşmənin hücumu nəticəsində şəhidlik zirvəsinə yüksəlib”.
Hadəminin harada həlak olması barədə məlumat verilməyib.
