“Set It Off”, “Jealousy”, “Red Room” və “Ric Flair Drip” kimi mahnıları ilə tanınan 34 yaşlı rep ifaçısı Offset Floridada kazinonun qarşısında silahlı hücuma məruz qalıb.
Manset.az xarici mediaya istinadən xəbər verir ki, xəstəxanaya yerləşdirilən məşhur musiqiçinin son vəziyyəti açıqlanıb.
Əsl adı Kiari Kendrell Sefus olan və hip-hop qrupu "Migos"un keçmiş üzvlərindən biri kimi tanınan Offset Floridada kazinonun qarşısında silahlı hücuma məruz qalıb. Hadisədən sonra o, xəstəxanaya çatdırılıb.
Nümayəndə məlumatda bildirib: “Offsetin güllə yarası aldığını və hazırda xəstəxanada müalicə olunduğunu təsdiqləyə bilərik. Vəziyyəti stabildir və həkim nəzarətində saxlanılır”.
