İndoneziyanın paytaxtı Cakartada yerləşən Soekarno-Hatta Beynəlxalq Hava Limanında güclü yağış və fırtına səbəbindən sərnişin terminalının dam örtüyünün bir hissəsi çöküb.
Manset.az xarici mediaya istinadən xəbər verir ki, terminalın su altında qalması nəticəsində çoxsaylı reyslərdə gecikmələr yaranıb.
Hadisə yerli vaxtla saat 12:00 radələrində beynəlxalq uçuşlar üçün nəzərdə tutulan 3-cü terminalında baş verib.
Rəsmi şəxslər hadisənin güclü yağış və külək nəticəsində damda toplanan suyun yaratdığı ağırlıq səbəbindən baş verdiyini açıqlayıblar. Baş verən uçqun və əlverişsiz hava şəraiti səbəbilə təhlükəsizlik məqsədilə bir çox reyslərin icrasında fasilələr yaranıb.
Hadisə zamanı ölən və ya xəsarət alan olmayıb.
