Avropa İttifaqı (Aİ) Komissiyası "Google"a axtarış mühərriki məlumatlarını üçüncü tərəflərlə paylaşmağı təklif edib.
Manset.az xarici mediaya istinadən xəbər verir ki, Aİ Komissiyası Rəqəmsal Bazarlara Dair Qanun (DMA) ilə uyğunluq təmin etmək məqsədilə təklif edilən tədbirlərin "Google"a təqdim edildiyini açıqlayıb.
Açıqlamada "Google"un axtarış sıralamaları istifadəçi sorğuları, klikləmə və görüntüləmə məlumatları kimi məlumatları üçüncü tərəf axtarış mühərriklərinə ədalətli, məqbul və ayrı-seçkilik etmədən təqdim etməli olduğu bildirilir.
Tədbirlərlə, üçüncü tərəf axtarış mühərrikləri ilə axtarış funksiyasına malik süni intellekt əsaslı söhbət tətbiqlərinin datalara daxil olub xidmətlərini inkişaf etdirməsi və "Google Axtarış"ın bazardakı güclü mövqeyinə qarşı rəqabət edə bilməsi məqsəd qoyulub. Açıqlamada "Google"un axtarış məlumatlarının həcmi, alətləri və tezliyi, şəxsi məlumatların anonimləşdirilməsi ilə bağlı tədbirlər iştirakçıların axtarış məlumatlarına daxil olma prosesləri və axtarış məlumatları üçün qiymət təyin etmə parametrləri barədə məlumat paylaşması lazım olduğu vurğulanıb.
