"Qalatasaray"ın baş məşqçisi Okan Buruk mövsümün ilk oyunu olan "Arca Çorum" FK ilə qarşılaşma öncəsi futbolçuları ilə görüşüb.
Manset.az Türkiyə mediasına istinadən xəbər verir ki, transfer gündəminin və meydandan kənardakı müzakirələrin geridə qalmasını istəyən Buruk komandasına ardıcıl beşinci çempionluq hədəfini xatırladaraq, "Bizim işimiz meydanda danışmaqdır" mesajını verib.
RAMS Parkda azarkeşlərinin qarşısına çıxacaq "Qalatasaray" üçün mövsümün ilk oyunu böyük əhəmiyyət daşıyır.
Transfer dövründə heyətinə yalnız Lesli Uqoçukvunu qatan sarı-qırmızılı komandada azarkeşlərin yeni transfer gözləntisi davam edir. Bildirilir ki, Buruk futbolçularından transferlərlə bağlı müzakirələri tamamilə geridə qoyaraq diqqətlərini yalnız qarşıdakı oyunlara yönəltmələrini istəyib.
