"Trabzonspor"dan "Nitsa"ya keçməsi nəzərdə tutulan Benjamin Buşuarinin transferi baş tutmayıb.
Manset.az türk mediasına istinadən xəbər verir ki, o vaxtkı baş məşqçi Fatih Tekke (sonradan klubdan ayrılıb) tərəfindən transfer edilən Benjamin Buşuari, "Bordo-mavililər"in heyətində keçirdiyi 30 oyunda heç bir qol və ya məhsuldar ötürmə ilə yadda qalmadı.
Futbolçunun komandadan ayrılacağı ilə bağlı şayiələr yayıldığı bir vaxtda Fransa klubu "Nitsa" onu icarə əsasında heyətinə qatmaq üçün hərəkətə keçmişdi; nəticədə, davam edən danışıqlar səbəbindən Buşuari "Amedspor"la oyunun heyətindən kənarda saxlanılmışdı. Həsən Tüncelin məlumatına görə, "Nitsa"ya keçid baş tutmadı və futbolçu "Trabzonspor"a geri döndü.
