ABŞ və İsrailin İranla münaqişəsi amerikalıların cibinə zərbə vurmağa davam etdiyi bir vaxtda, ABŞ-dakı sürücülər yanacaqdoldurma məntəqələrində dizel yanacağı üçün indiyədək görülməmiş dərəcədə yüksək qiymət ödəyirlər.
Manset.az xarici mediaya istibnadən xəbər verir ki, ABŞ-da dizel yanacağı əsasən yük maşınları, qatarlar, gəmilər, avtobuslar, kənd təsərrüfatı və tikinti texnikası kimi kommersiya nəqliyyat vasitələrində istifadə olunur.
Amerika Avtomobil Assosiasiyasının (AAA) məlumatına görə, ABŞ-da bir qallon dizel yanacağının orta qiyməti 5,85 dollara çatıb; müqayisə üçün qeyd edək ki, bir il əvvəl bu göstərici orta hesabla 3,71 dollar təşkil edirdi və hazırkı qiymət Rusiyanın Ukraynaya qarşı genişmiqyaslı işğalından sonrakı əvvəlki maksimum həddi də üstələyir.
Fevralın sonunda İranla bağlı gərginliyin başlamasından bəri yanacaq qiymətləri kəskin şəkildə artıb ki, bu da topdansatış neft qiymətlərindəki yüksəlişin nəticəsidir.
