ABŞ Prezidentinin xüsusi elçisi Stiv Uitkoff və Donald Trampın kürəkəni Cared Kuşnerin sentyabrın 6-da Kiyevə səfəri gözlənilir.
Manset.az xəbər verir ki, bunu Ukrayna Prezidenti Volodimir Zelenski Teleqram kanalında yazıb.
“Sabah Kiyevdə ABŞ komandasının iştirakı ilə həyata keçiriləcək diplomatik tədbirlər planı təsdiqlənib. Stiv Uitkoff və Cared Kuşneri gözləyirik və məzmunlu söhbətə hazırıq”, – Zelenski bildirib.
Bundan əvvəl Zelenski ABŞ Prezidentinin nümayəndələrinin Kiyevə səfəri üçün ilkin tarixlərin müəyyənləşdirildiyini və görüşün yaxın günlərdə keçiriləcəyini açıqlamışdı.
