Çin əsilli kanadalı təhsil mütəxəssisi Tszyan Syueçin ABŞ üçün 2027-ci ilə dair iqtisadi böhran, məcburi hərbi xidmət, kütləvi etirazlar və İranla müharibənin genişlənməsi kimi qaranlıq ssenarilər irəli sürüb.
Manset.az xarici mediaya istinadən xəbər verir ki, “Çinin Nostradamusu” adlandırılan Tszyan Syueçinin gerçəkləşən proqnozları ilə yanaşı, özünü doğrultmayan çoxsaylı proqnozları da var.
“Çinin Nostradamusu” kimi tanınan Tszyan Syueçinin 2027-ci ilə bağlı yeni proqnozları sosial şəbəkələrdə yenidən gündəmə gəlib.
Tszyan ABŞ-İran müharibəsinin uzanacağı təqdirdə Vaşinqtonun quru əməliyyatına başlaya biləcəyini, hərbi qüvvələrə ehtiyacın məcburi hərbi xidmətin bərpasına səbəb ola biləcəyini və müharibənin iqtisadi yükünün ABŞ-da etirazları və ictimai gərginliyi artıracağını irəli sürüb.
Tszyan Hörmüz boğazının bağlanmasını da qlobal iqtisadiyyata ciddi zərbə vura biləcək əsas risklərdən biri kimi qiymətləndirib.
