Sibirdə yüksək mühafizə olunan bioloji tədqiqat institutunda baş verən şübhəli ölüm hadisəsi ABŞ ilə Rusiya arasında diplomatik gərginliyə səbəb olub.
Manset.az xarici mediaya istinadən xəbər verir ki, Vaşinqton Moskvadan hadisənin təfərrüatları və elmi sübutlarla bağlı məlumat tələb edib. Ümumdünya Səhiyyə Təşkilatı (ÜST) da Rusiyadan məsələ ilə bağlı ətraflı məlumat istəyib. Yaranmış vəziyyət COVID-19 pandemiyasının ilk dövründə Çinin Uhan şəhərində aparılan laboratoriya tədqiqatları ətrafında gedən müzakirələri yenidən gündəmə gətirib.
ABŞ Prezidenti Donald Tramp Rusiya Prezidenti Vladimir Putinlə yaxın vaxtlarda görüşəcəyini bildirsə də, Kreml belə bir görüşün planlaşdırılmadığını açıqlayıb.
Rusiya hakimiyyəti Şipilovanın ölüm səbəbini müəyyən edilməmiş pnevmoniya kimi göstərir. Bununla yanaşı, laboratoriyadan təhlükəli törədicinin sızdığı barədə iddialar səslənir.
Təxminən 200 nəfərin tibbi nəzarətə götürülməsi və karantinə yerləşdirilməsindən sonra ÜST Rusiyadan hadisə ilə bağlı ətraflı izahat tələb edib. Moskva isə təmasda olan şəxslər arasında vəba xəstəliyinin aşkar edilmədiyini və müvafiq məlumatların ÜST-ə təqdim olunduğunu bildirir.
ÜST Rusiyada genişmiqyaslı epidemiya riskini aşağı, Avropa üçün isə çox aşağı qiymətləndirir. Bununla belə, təşkilat ölümün dəqiq səbəbi ilə bağlı qeyri-müəyyənliyin aradan qaldırılmasını istəyir.
COVID-19-un 2019-cu ilin sonunda Uhan şəhərində ortaya çıxmasından sonra Uhan Viroloji İnstitutunda aparılan tədqiqatlar beynəlxalq araşdırmaların əsas mövzularından birinə çevrilib.
ÜST Çindən ilk xəstələrə aid genetik məlumatların, laboratoriya təhlükəsizliyi ilə bağlı sənədlərin və aparılan tədqiqatların təfərrüatlarının təqdim edilməsini tələb edib. Təşkilat 2025-ci ilin iyununda da mühüm məlumatların böyük hissəsinin hələ də paylaşılmadığını açıqlayıb.
