Ağ Evin yaxınlığında atışma baş verib.
Manset.az xəbər verir ki, bu haqda məlumatı Vaşinqton şəhər polisinin İctimaiyyətlə Əlaqələr Şöbəsi yayıb.
Məlumata əsasən, insident bu gecə Ağ Evdən cəmi 2 kilometr aralıda baş verib. Atışma zamanı iki nəfər xəsarət alıb. Yaralılar yerli xəstəxanalara yerləşdirilib və vəziyyətləri sabitdir.
Şahidlərin sözlərinə görə, 20-30 atəş səsi eşidilib.
Hazırda polis şübhəli şəxsi axtarır. Atışmanın yerli nömrəyə sahib qara avtomobilli bir kişi tərəfindən törədildiyi güman edilir.
