Ağsuda ağır qəza - Ölən var

Bu gün Ağsuda ağır yol-nəqliyyat hadisəsi baş verib. Hadisə günorta saatlarında rayon mərkəzində qeydə alınıb.

 

Manset.az xəbər verir ki, Ağsu rayon sakini Nazim Abışov qəfildən nəqliyyat vasitəsinin idarəetməsini itirib.

Nəticədə avtomobil yoldan çıxaraq hasara çırpılıb.

Avtomobildə olan sərnişin Rövşən Əmirov hadisə yerindəcə həyatını itirib. Ağır bədən xəsarətləri alan sürücü Nazim Abışov Ağsu Rayon Mərkəzi Xəstəxanasına çatdırılıb.

Faktla bağlı araşdırma aparılır.