Sumqayıtda sürücü sükan arxasında ÖLDÜ

Sumqayıtda mağazalara ərzaq daşıyan yük avtomobilinin sürücüsü qəflətən ölüb.

Manşet.az-ın APA-ya istinadən xəbərinə görə, hadisə şəhər ərazisində yerləşən mağazalardan birinin qarşısında qeydə alınıb.

Hadisə yerinə təcili tibbi yardım briqadası cəlb olunub. Qəflətən halı pisləşən sürücünü xilas etmək mümkün olmayıb.

Sürücünün hansı səbəbdən öldüyü məlum deyil.