Zaqatalada 5 yaşlı uşağı avtomobil vurub.
Manşet.az Qafqazinfo-ya istinadən xəbər verir ki, hadisə bu gün günorta saatlarında rayonun Dağlı kəndində baş verib.
Belə ki, kənd sakini, 2017-ci il təvəllüdlü Bayramov Tunar Surac oğlu “Changan” markalı minik avtomobili tərəfindən vurulub.
Müxtəlif dərəcəli bədən xəsarətləri alan beş yaşlı Tunar Bayramov Zaqatala Rayon Mərkəzi Xəstəxanasının reanimasiya şöbəsinə yerləşdirilib. Onun vəziyyətinin orta-ağır olduğu bildirilir.
Faktla bağlı Zaqatala Rayon Polis Şöbəsində araşdırma aparılır.
