Şəkidə mikroavtobus məktəblini vurub.
Manşet.az Qafqazinfo-ya istinadən xəbər verir ki, hadisə bu gün axşam saatlarında, Yevlax-Zaqatala-Gürcüstan magistral yolunun Şəkinin Suçma kəndi ərazisindən keçən hissəsində baş verib.
Belə ki, 1991-ci il təvəllüdlü Səməd Qurbanov idarə etdiyi "Ford" markalı mikroavtobusla 2010-cu il təvəllüdlü Elvin Məmmədlini vurub. Xəsarət alan 12 yaşlı Elvin Məmmədli Şəki Rayon Mərkəzi Xəstəxanasına yerləşdirilib. Onun vəziyyətinin orta-ağır olduğu bildirilir.
Qeyd edək ki, piyadanı vuran mikroavtobus Zaqatala-Bakı istiqamətində hərəkətdə olub.
