Biləsuvar rayonunda ölümlə nəticələnən ağır yol qəzası baş verib.
Manset.az Report-a istinadən xəbər verir ki, hadisə Biləsuvar-Bəhramtəpə avtomobil yolunun rayonun Səmədabad kəndindən keçən hissəsində qeydə alınıb.
Belə ki, həmin kənd sakini, 1979-ci il təvəllüdlü Emin Baxış oğlu Quliyev idarəetdiyi "KİA Rio" markalı minik avtomobilini aşırıb.
Qəza nəticəsində sürücü və onun sərnişini, Bərdə rayon sakini, 1958-ci il təvəllüdlü Qulu Qurban oğlu Qasımov hadisə yerində ölüblər.
Faktla bağlı araşdırma aparılır.
