İsrailin Tel-Əviv şəhərində təşkil olunan cüdo üzrə Böyük Dəbilqə turniri davam edir.
Manset.az xəbər verir ki, Azərbaycanın iki cüdoçusu yarışda finala yüksəlib.
Bunlar Zelim Kotsoyev (100 kq) və Uşangi Kokauridir (100 + kq). Onlar qızıl medal uğrunda qarşılaşmada müvafiq olaraq niderlandlı Mixael Korrel və monqolustanlı Tsetsensengel Odxugiyn ilə üz-üzə gələcəklər.
Məmmədəli Mehdiyev (90 kq) bürünc medal uğrunda görüşdə braziliyalı Rafael Makedonla görüşəcək.
Yarışın son günündə mübarizəyə qoşulmuş digər Azərbaycan cüdoçusu Camal Qamzatxanov (100+ kq) isə 1/8 finalda uduzaraq medalsız qalıb. //Bizim.Media
