Daşkəsən şəhərində yerləşən restoranların birində keçirilən məclisdə qonaqlar arasında yaşanan mübahisə davaya çevrilib, xəsarət alan var.
Manset.az Report-a istinadən xəbər verir ki, rayon sakinlərindən biri tərəfdən övladının məktəbi bitirməsi münasibəti ilə təşkil edilən məclisdə qonaqlar arasında dava düşüb.
Mübahisə zəminində Daşkəsən rayon sakini, 1997-ci il təvəllüdlü İ.Cəfərov baş və üz nahiyəsindən xəsarət alıb.
O, Gəncə şəhərində yerləşən xəstəxanaların birinə yerləşdirilib.
Hadisənin hansı səbəbdən baş verdiyi isə hələ ki, məlum deyil.
Faktla bağlı araşdırma aparılır.
