Sosial şəbəkələrdə dünyaca məşhur "fast food" şəbəkəsi McDonald’s ilə bağlı yeni qalmaqallı görüntülər üzə çıxıb.
Manset.az-ın əldə etdiyi məlumata görə, özünü şirkətin işçisi kimi təqdim edən şəxs “McDonald’s məhsullarını yeməyin” başlığı ilə video paylaşıb. O, McDonald’s qutularının üzərindəki tərkib siyahısını göstərərək məhsullarda zərərli maddələrin olduğunu bildirib. Göstərilən məhsullar arasında naqqetslər, burgerlərdə istifadə olunan müxtəlif donmuş ət məhsulları, eləcə də McDonalds-ın şirniyyatları olub.
Görüntülərdə işçi “Baxın, bu qutuların üzərində nələr yazılıb. Bu zir-zibili yeməyi dayandırın” sözləri ilə ictimaiyyəti diqqətli olmağa çağırıb.
Video qısa zamanda sosial şəbəkələrdə geniş rezonans yaradıb və istifadəçilər tərəfindən sürətlə paylaşılıb.
Manşet.az
