Azərbaycan Respublikasının Prezidenti İlham Əliyev və MDB dövlət başçılarının qeyri-rəsmi görüşündə iştirak edən digər ölkələrin rəhbərləri dekabrın 26-da Sankt-Peterburqda “Böyük Peterhof Sarayı” ("Большой петергофский дворец") ilə tanış olublar.
Manset.az xəbər verir ki, bu barədə Azərbaycan Prezidentinin Mətbuat Xidməti məlumat yayıb.
***18:44
Sankt-Peterburqda keçirilən qeyri-rəsmi sammitdə iştirak edən MDB üzv ölkələrin rəhbərləri Peterhof Dövlət Muzey-Qoruğuna gəliblər.
Manset.az xəbər verir ki, bu barədə TASS məlumat yayıb.
MDB dövlət başçılarının ənənəvi qeyri-rəsmi sammiti danışıqlar masası arxasında deyil, Sankt-Peterburqun saray və park kompleksləri ilə tanışlıq zamanı başlayıb.
Liderlər “Böyük Peterhof Sarayı”nı gəzməyi planlaşdırırlar. MDB-nin qeyri-rəsmi sammiti Strelnadakı Konstantinovski sarayında müzakirələrlə başa çatacaq.
Xatırladaq ki, dekabrın 26-da Azərbaycan Prezidenti İlham Əliyev rusiyalı həmkarı Vladimir Putinin dəvəti ilə MDB dövlət başçılarının qeyri-rəsmi görüşündə iştirak etmək üçün Sankt-Peterburqa işgüzar səfərə gedib.
