Çaylarda suyun səviyyəsi artıb

12:01 - 23 İyun 2024

Çaylarda suyun səviyyəsi artıb

Ölkə ərazisində yağan intensiv yağıntılarla əlaqədar Lənkəran-Astara bölgəsinin ərazisindən axan Lənkərançayda suyun səviyyəsi 6, Viləşçayda 2, Balakən-Şəki bölgəsi ərazisindən axan Katexçayda 3, Əyriçayda 120, Qarasuçayda 103, Qusar rayonu ərazisindən axan Qusarçayda 43, Qarabağ və Şərqi Zəngəzur bölgəsinin ərazisindən axan Bərgüşadçayda və Oxçuçayda 1, Həkəriçayda isə 4 sm artım müşahidə olunub.

 

Bu barədə Manset.az-a Milli Hidrometeorologiya Xidmətindən bildirilib.

Xidmətin Hidrologiya Mərkəzinin direktoru Asif Verdiyev qeyd edib ki, gecə saatlarında Şəki rayonu ərazisindən axan Şinçaydan sel keçib.

"Hazırda çayda azalma müşahidə olunur", - o bildirib.


Xəbər xətti

19 İyul 2024

Ən son xəbərləri səhifəmizdən də izləyin