Bu gün Mədəniyyət Nazirliyinin "Mədəniyyət və yaradıcı sənayelər" üzrə xüsusi Təqaüd Proqramının nəticələrinə həsr olunmuş mətbuat konfransı keçirilib.
Manset.az xəbər verir ki, mətbuat konfransında mədəniyyət nazirinin müşaviri Cəsarət Valehov və mədəniyyət nazirinin müavini Səadət Yusifova təqaüd proqramı çərçivəsində görülən işlər haqqında geniş məlumat veriblər.
Konfransda təqaüd proqramının qalibi olmuş tələbələrdən də iştirak edənlər olub. Onlar proqramla bağlı təəssüratlarını bölüşüblər.
Mətbuat konfransında verilən məlumata görə, proqram çərçivəsində ümumilikdə 44 təqaüdçü xaricdə təhsil alır. Onlardan 19 nəfəri bakalavr, 25 nəfəri isə magistratura pilləsi üzrə təhsil alır.
