UEFA Avro-2024-ün seçmə mərhələsi çərçivəsində Brüsseldə baş verən terror aktına görə yarımçıq qalan Belçika - İsveç oyunu ilə bağlı qərarı açılayıb.
Manset.az xəbər verir ki, Avropanın ali futbol qurumu yekun nəticənin matçın dayandırıldığı vaxt tabloda olan 1:1 hesabının olacağını açıqlayıb.
Xatırladaq ki, oyun oktyabrın 16-da Brüsseldə baş tutub. Qarşılaşma zamanı şəhərin mərkəzində oyunun başlamasına təxminən saat yarım qalmış baş verən terror aktı nəticəsində İsveç millisinin 2 azarkeşi həlak olub. Matçın ilk hissə 1:1 hesabı ilə başa çatıb. Lakin komandalar arasında 2-ci hissə oynanılmayıb, görüş təxirə salınıb.
Qeyd edək ki, Belçika 2024-cü il Avropa çempionatına vəsiqəni hələ bu oyundan əvvəl təmin etmişdi.
