Qeyri-verbal ünsiyyət — yəni jestlər, mimika, duruş və intonasiya — insanın daxili vəziyyəti haqqında çox şey deyir. Lakin sözlər, xüsusilə emosional çətinlik yaşayan insanlar üçün birbaşa məna daşıyır.
Manset.az Qaynarinfo-ya istinadən xəbər verir ki, bədbəxt insanlar bir neçə ümumi xüsusiyyətə malikdir. Bunlara aşağı özünəinam, neqativ düşüncələr, yüksək stress və narahatlıq səviyyəsi, eləcə də toksik münasibətlərə meyil daxildir. Bu davranış modellərinin müəyyən edilməsi dəstək göstərmək və tədricən dəyişikliklər aparmaq üçün vacibdir.
Birinci ifadə: "Məndə heç nə alınmır”
Belə insanlar bir uğursuz təcrübəni həyatın bütün sahələrinə yayırlar. Tək bir səhv ümumi uğursuzluğun sübutu kimi qəbul edilir. Bu düşüncə tərzi real uğurları görmək qabiliyyətini zəiflədir.
İkinci ifadə: "Həmişə eyni şeydir”
Bu sözlər həyatı monoton və mənasız kimi qavramağı ifadə edir. İnsan gündəlik həyatda dəyişiklikləri və müsbət məqamları görmə qabiliyyətini itirir.
Üçüncü ifadə: "Onsuz da pis olacaqsa, niyə cəhd edim?”
Bu düşüncə tərzində insan hər hansı bir addımı başlamazdan əvvəl onun uğursuz olacağını qəbul edir. Nəticədə fəaliyyətlərdən imtina edilir və dəyişikliklərin mümkün olmadığı inancı güclənir.
Emosional xoşbəxtliyə doğru ilk addım
Bu cür düşüncə və danışıq modellərini dəyişmək üçün insanın daxili və xarici dilinə diqqət yetirməsi vacibdir. Çünki dil bizim reallığı qavramağımıza birbaşa təsir edir.
