Aktaudan olan bloger Əzəmət Sarsenbayev Xəzər dənizininin dron çəkilişini apararaq suyun səviyyəsinin azalması probleminə diqqət çəkib.
Manşet.az xəbər verir ki, sözügedən görüntüləri sosial şəbəkədə paylaşan Əzəmət yazıb:
“Ürək ağrısı ilə Xəzər dənizimizin dibi ilə gəzdim. Yadımdadır, uşaqlıqda sahildən 10 metr uzaqda üzməyə qorxurduq. İndi isə bir vaxtlar suyun altında olan çılpaq daşların üzərində artıq 200 metr gəzmək olar. Hər il biz Xəzər dənizimizin gözümüzün qabağında necə dayazlaşdığını həyəcanla izləyirik və bu, qorxuludur”.
