Kliniki Tibbi Mərkəzin həyətində bir neçə şəxsin narkotik vasitədən istifadə etmələri barədə sosial şəbəkələrdə görüntülər yayılıb.
Manset.az sözügedən görüntülərlə bağlı araşdırma aparıb.
Əldə etdiyimiz məlumata görə, onların hər birinin narkotik vasitədən istifadə etdiyi müəyyən olunub. Onların narkotik asılılığından qurtulmaq üçün müalicəyə ehtiyacı var.
Onların hər birinin müailəcəyə cəlb olunması mümkün olmadığına görə, həmin şəxslər narkomaniya xəstəliyinə düçar olduqlarından profilaktiki qeydiyyatdadırlar. Buna görə də gündəlik olaraq onlara verilməli olan dərman preparatlarını almaq üçün Kliniki Tibbi Mərkəzə gəlirlər.
