Dünən günün ikinci yarısından başlayaraq bütün gecə ərzində davam edən güclü külək nəticəsində paytaxtın müxtəlif yerlərində 15 ədəd ağaca ziyan dəyib.
Bu barədə Manset.az-a Bakı Şəhər Yaşıllaşdırma Təsərrüfatı Birliyindən məlumat verilib.
Rəsmi məlumata görə, Birliyin əməkdaşları tərəfindən ziyan dəymiş ağacların 4-nün sınmış hissələri budanıb, 11 ədəd ağac isə kəsilərək görürülərək ərazi təmizlənib.
Sözügedən hallar əsasən, paytaxtın Xətai rayonu Məzahir Rüstəmov 26, Xətai Rüstəmov küçəsi, Nizami rayonu Çobanzadə küçəsində, Yasamal rayonu Vahabzadə küçəsində qeydə alınıb.
