"Qardaşım artıq bir il idi ki, bu xəstəlikdən əziyyət çəkirdi".
Manset.az xəbər verir ki, bu sözləri News24.az-a açıqlamasında Qafqaz Müsəlmanları İdarəsinin (QMİ) İçərişəhər üzrə nümayəndəsi, “Cümə” məscidinin axundu Hacı Surxay Məmmədli deyib.
O bildirib ki, qardaşı Rövşən Məmmədov uzun müddət mədə xərçəngindən əziyyət çəkirmiş:
"Rövşənin 48 yaşı var idi. Uzun müddət idi ki, bu xəstəlikdən əziyyət çəkirdi. Mənim üçün bu barədə danışmaq çox çətin və ağırdır. Qardaşımı bu gün atamın qərbrinin yanında dəfn etdik".
