Səs və görüntü bizə şəlaləni xatırlatsa da, olduğumuz ərazidən çirkab sular axıdılır. Həmçinin qeyd edək ki, yaxınlıqda yaşayış evləri də var.
Manset.az xəbər verir ki, sular 200 metr ərazi boyunca axaraq, Xəzər dənizinə tökülür. Çirkab sular sahil boyu böyük bir ərazini demək olar ki, məhv edib.
Bəzi ərazilər isə bizə zibil poliqonunu xatırladır. Ərazi çimərlik üçün nəzərdə tutulmasa da, buraya istirahət üçün gələnlər də var.
Ekoloq Telman Zeynalov azertac-a bildirib ki, Xəzər dənizi özünü təmizləmə funksiyasına malikdir: "Xəzər dənizinə minlərlə axınlar var. Dəniz sahilindən gələn pis qoxular müxtəlif xəstəliklər yarada bilər".
