İsveçdə tikilməkdə olan su parkı yandı

İsveçin Göteborq şəhərində tikilməkdə olan akvaparkda yanğın baş verib.

 

Manset.az-ın xarici mediaya istinadən məlumatına görə, binanın kənarındakı su çənində başlayan yanğın qısa müddətdə bütün binanı bürüyüb və bir-birinin ardınca partlayışlar baş verib.

Səmanı bürüyən tüstü buludu kilometrlərlə uzaqdan görünüb. Alovun sürətlə yayılması səbəbindən parkın ətrafındakı otellər və ofislər boşaldılıb.

Hadisə nəticəsində xəsarət alan olmayıb.

Əfsanə Rəcəb

Manşet.az