Əfqanıstanın şimalında yerləşən Samanqan əyalətində kömür mədənində baş verən partlayış nəticəsində 7 nəfər həyatını itirib, 2 nəfər isə yaralanıb.
Manset.az xəbər verir ki, bu barədə Kabildə yerləşən “Ariana TV” telekanalı məlumat yayıb.
Bildirilir ki, partlayış Samanqan əyalətinin Dar-e-Suf Payin bölgəsindəki kömür mədənində qeydə alınıb.
Məlumata görə, hadisə zamanı 7 şaxtaçı ölüb, yaralanan 2 nəfər isə xəstəxanaya çatdırılıb.
Samanqan Polis İdarəsinin sözçüsü Haşmetullah Rəhmani jurnalistlərə bildirib ki, partlayışa mədəndə toplanmış metan qazı səbəb olub.
