İran prezidenti Məsud Pezeşkian MAQATE ilə əməkdaşlığı dayandıran fərman imzalayıb.
Manset.az xəbər verir ki, bu barədə Tasnim agentliyi məlumat yayıb.
Qanun qüvvəyə minmiş hesab edilir və prezident sənədi imzaladığı andan qüvvəyə minir.
İranın nüvə obyektlərinin və nüvə alimlərinin təhlükəsizliyi təmin olunana qədər agentliyin əməkdaşlarının İrana girişi qadağan ediləcək.
İyunun 25-də İran parlamentinin üzvləri İslam Respublikası ilə MAQATE arasında əməkdaşlığın dayandırılmasına dair qanun layihəsinin mətnini təsdiqləyiblər.
İyunun 26-da İranın Keşikçilər Şurası qanun layihəsini təsdiqləyib.
