Rusiya xarici işlər naziri Sergey Lavrov, Ukrayna ilə bağlı danışıqların həyata keçirilməsi üçün heç bir formatdan imtina etmədiklərini bildirib.
Manset.az xəbər verir ki, Lavrov, bu barədə ABŞ prezidenti Donald Tramp ilə Rusiya prezidenti Vladimir Putin arasında avqustun 15-də Alyaskada keçirilən zirvə görüşünü şərh edərkən açıqlama verib.
Nazir, görüşdə yaxşı bir atmosferin hökm sürdüyünü və bu atmosferin Putin və Trampın görüşdən sonra verdiyi açıqlamalarda da özünü göstərdiyini qeyd edib. O, görüşün faydalı olduğunu vurğulayıb.
Lavrov, ABŞ prezidenti Donald Tramp və komandası ilə müzakirələrdə Ukrayna böhranının həlli üçün daha dərin və davamlı bir yanaşmanın tətbiq olunduğunu qeyd edərək, "Tramp və komandası, xüsusən də Alyaskadakı görüşdən sonra, bu böhranın həlli istiqamətində daha səmimi və ciddi bir yanaşma sərgilədilər" deyib.
Həmçinin, Lavrov, Ukrayna məsələsində üçtərəfli və ya ikitərəfli danışıqların heç bir formatının rədd edilmədiyini bildirib.
