Livan Prezidenti Jozef Aun İsrailə birbaşa danışıqlar çağırışı edib.
Manset.az xəbər verir ki, bu barədə Reuters məlumat yayıb.
Bildirilib ki, İsrailin Baş naziri Benyamin Netanyahu sülh danışıqları çağırışına cavab verdikdən sonra Livanın birbaşa danışıqlara getməkdən başqa yolu qalmayıb.
Bununla belə, "Hizbullah" silahlı qruplaşması İsraillə birbaşa danışıqların əleyhinə çıxış edir və bu, qruplaşmanın dövlət tərəfindən əldə edilən hər hansı atəşkəs razılaşmasına riayət etməyə hazır olmasını şübhə altına alır.
"Livan və İsrail arasındakı danışıqlar, açıq desək, mənasızdır, çünki bu danışıqları Livan adından aparan şəxslərin təsir rıçaqları yoxdur", - qruplaşmaya yaxın livanlı məmur bildirib.
